[ad_1]
کینیڈا کی ڈیلہوزی یونیورسٹی کے محققین نے نمکین پانی کو میٹھا بنانے کے لیے شمسی توانائی سے چلنے والی کم قیمت ڈیوائس ایجاد کر لی۔
یہ ڈیوائس سورج کی روشنی کو استعمال کرتے ہوئے سمندر کے پانی کو پینے کے قابل بناتی ہے۔ پورٹ ایبل ڈیزائن کی حامل اس ڈیوائس کو باآسانی دور دراز علاقوں میں استعمال کیا جا سکتا ہے۔
اس ڈیوائس کا غیر روایتی ڈیزائن اس کو سب سے نمایاں بناتا ہے جس میں ری سائیکل ٹائر استعمال کیے گئے ہیں۔ پھینکے گئے اس مٹیریل کو ڈیوائس کے ایک اہم جزو کے طور پر کام میں لایا گیا جس نے ڈیوائس کے لیے اہم پائیدار اور کم قیمت حل فراہم کیا۔
یہ سولر اسٹل ٹیکنالوجی ’ریفریکٹری پلازمونکس‘ سے متاثر ہو کر بنائی گئی ہے۔ یہ ایک ایسا شعبہ ہے جس میں ایسے نینو مٹیریل بنائے جاتے ہیں جو مؤثر انداز میں روشنی کو اکٹھا کر کے گرمائش میں بدل سکتے ہیں۔ یہ مٹیریل خاص طور پر سخت حالات میں مؤثر ہوتے ہیں اور مؤثر انداز میں پانی کو صاف کرنے کی سولر اسٹل کی اہلیت کے لیے اہم ہوتے ہیں۔
یہ ڈیوائس ایک سادہ عمل کے تحت تیزی کے ساتھ پانی کو صاف کرتی ہے۔
توقعات کے برخلاف اس ڈیوائس نے ہیلیفیکس بندرگاہ پر آزمائش کے دوران روزانہ 3.67 لیٹر پینے کا پانی حاصل کیا۔
محققین کے مطابق سورج کی روشنی کے استعمال کو بڑھا کر ہم سادہ سے ڈیزائن کو رکھتے ہوئے پلازمونک سولر اسٹل کے ذریعے بڑی مقدار میں پانی صاف کر سکتے ہیں۔
[ad_2]
Source link
