کسی دلکش مقام پر گزاری گئی چھٹیوں سے واپس آنے والے سیاح عام طور پر اپنے ساتھ تصاویر سے بھرا ہوا فون اور یادگاروں سے بھرے سوٹ کیس لاتے ہیں۔ تاہم کمیونیکیشن کمپنی ItalyComunica اٹلی کی خوبصورت جھیل کومو کی تازہ قدرتی ہوا کو کین میں بند کرکے فروخت کررہی ہے جسکی قیمت فی کین 11 ڈالرز فی کین ہے۔
میڈیا رپورٹس کے مطابق ہر ایک کین میں جھیل کومو سے جمع کی گئی 400 ملی لیٹر 100% تصدیق شدہ تازہ قدرتی ہوا ہے۔
جھیل کومو ایک ایسا مقام ہے جو حالیہ برسوں میں اپنی خوبصورتی اور مشہور شخصیات کی رہائش گاہوں کی بدولت سیاحوں میں تیزی سے مقبول ہوا ہے اور Casino Royale جیسی فلمیں اور House of Gucci یہاں فلمائی جاچکی ہیں۔
لومبارڈی ٹورازم بیورو کے مطابق 2023 میں 5.6 ملین سے زیادہ سیاحوں نے لیک کومو کا دورہ کیا اور یہ تعداد مسلسل بڑھ رہی ہے۔
زائرین کی تعداد سے فائدہ اٹھانے کے لیے مارکیٹنگ کے ماہر Davide Abagnale نے جھیل کومو کے پوسٹرز فروخت کرنے والی ایک ای کامرس سائٹ بنائی جس کے ساتھ ساتھ اس قدرتی مقام کی تازہ ترین ہوا کو کین میں بند کرکے فروخت بھی کرنا شروع کردیا گیا ہے۔
Source link
