اگر میرا انسٹاگرام اکاؤنٹ ہیک ہوجاتا تو کئی گھر ٹوٹ جاتے، متھیرا

 لاہور: اپنی بے باکی کی وجہ سے مشہور پاکستانی اداکارہ و میزبان متھیرا نے انکشاف کیا ہے کہا کہ اگر اُن کا اکاؤنٹ ہیک ہوجاتا تو کئی گھروں میں طلاقیں ہوجاتیں۔

متھیرا نے حال ہی میں اپنی بہن کے ساتھ نجی چینل کے پروگرام میں شرکت کی اور بتایا کہ اُن کے انسٹاگرام اکاؤنٹ میں بہت سارے لوگوں کے راز پوشیدہ ہیں۔ بیشتر مردوں کے انباکس میں پیغامات آئے ہوئے ہیں۔

اداکارہ نے کہا کہ اگر میرا انسٹاگرام کا اکاؤنٹ ہیک ہوجاتا اور اُس کی بات چیت سامنے آتی تو کئی گھر اجڑ جاتے اور شادیاں ٹوٹ جاتیں۔

متھیرا نے واضح کیا کہ ان کے کسی سے بھی خاص تعلقات نہیں ہیں اور نہ ہی وہ کسی کو خاص دوست بنانا چاہتی ہیں کیونکہ ہر رشتے کا اختتام ہوجاتا ہے اور میری نظر میں رشتوں کا ختم ہونا غلط ہے جس سے انسان ٹوٹ جاتا ہے۔

شادی سے متعلق سوال کا جواب دیتے ہوئے متھیرا نے کہا کہ میں دوسری شادی نہیں کروں گی اور نہ ہی ابھی تک کسی کی جانب سے کوئی پیش کش کی گئی۔

انہوں نے ہمایوں سعید اور شان کو پُرکشش اداکار قرار دیتے ہوئے کہا کہ ان دونوں اداکاروں کی وجہ سے پاکستان کی فلم و ڈرامہ انڈسٹری کو ایک نئی پہچان ملی ہے۔