کراچی: شوبز انڈسٹری سے وابستہ شخصیات مداحوں کے رابطے کیلیے سوشل میڈیا کا استعمال کرتی ہیں تاکہ وہ اپنی روز مرہ کی معمول اور کام کے حوالے سے سب کو آگاہ کرسکیں۔
شوبز شخصیات کی سوشل میڈیا پلیٹ فارم پر موجودگی اور متحرک رہنا عصر حاضر میں بہت ضروری سمجھا جاتا ہے کیونکہ اگر کوئی اداکار، اداکارہ یا شخصیت سوشل میڈیا پر کچھ روز نظر نہ آئے تو اُس کے بارے میں لوگوں کو تشویش شروع ہوجاتی ہے۔
اگر شوبز انڈسٹری کی ہی بات کی جائے تو مداح اپنے پسندیدہ اداکار کی پوسٹ کو نہ صرف لائیک کرتے ہیں بلکہ اس پر تبصرے کرتے اور کبھی کبھی تو کچھ چیزوں پر تنقید بھی کرتے نظر آتے ہیں۔
آج ہم پاکستانی اداکاروں کے انسٹاگرام پر فالوورز کی بات کریں گے اور بتائیں گے کہ اس میدان میں کون سی اداکارہ کے فینز سب سے زیادہ ہیں۔
ہانیہ عامر انسٹاگرام پر اس وقت سب سے زیادہ فالور کی جانے والی اداکارہ ہیں جن کے فالوورز کی تعداد 1 کروڑ 44 لاکھ ہے۔ عائزہ خان دوسرے نمبر پر ہیں جن کے انسٹاگرام پر فالوورز کی تعداد 1 کروڑ 41 لاکھ ہے۔
اسی طرح اگر بات کی جائے تو تیسرے نمبر پر اداکارہ ایمن خان ہیں جن کے فالوورز کی تعداد 1 کروڑ 21 لاکھ ہیں، عالمی شہرت یافتہ اداکارہ ماہرہ خان کو انسٹاگرام پر فالور کرنے والے مداحوں کی تعداد 1 کروڑ 11 لاکھ ہے جبکہ سارہ خان کے فالوورز کی تعداد 1 کروڑ 19 لاکھ ہے۔
حیران کن طور پر اقرار عزیز کے بعد 1 کروڑ 12 لاکھ فالوورز ہیں، اگر درجہ بندی کی بات کی جائے تو ماہرہ اور اقرا کا پانچواں نمبر بنتا ہے۔
سجل علی کے 1 کروڑ 3 لاکھ فالور ہیں جبکہ منال خان کے ایک کروڑ 2 لاکھ فالوورز ہیں۔ آٹھویں نمبر پر کنزی ہاشمی ہیں جن کے فالوورز کی تعداد 93 لاکھ جبکہ نویں نمبر پر یمنیٰ زیدی ہیں جن کے انسٹاگرام پر چاہنے والوں کی تعداد 91 لاکھ ہے۔
جسوال کے بعد شعیب ملک سے شادی کے بندھن میں بندھنے والی ثنا جاوید کے فروری کے بعد سے فالوورز کی تعداد بھی بڑھی ہے اور اب اُن کے فالوورز کی تعداد 89 لاکھ تک پہنچ گئی ہے۔
دسویں نمبر پر پاکستانی اداکار عمران عباس ہیں جن کے انسٹاگرام پر چاہنے والوں کی تعداد 90 لاکھ ہے۔
