فوٹو : انٹرنیٹ
نئی دہلی: 70ویں نیشنل فلم ایوارڈز کی شاندار تقریب میں تجربہ کار اداکار متھن چکرورتی کو دادا صاحب پھالکے ایوارڈ سے نوازا گیا، جو ان کے لیے ایک بڑا اعزاز ہے۔
متھن چکرورتی نے اس موقع پر میڈیا سے بات کرتے ہوئے کہا، ’ابھی تک میں اس بڑے اعزاز کو سمجھ نہیں پایا ہوں۔ میں صرف خدا کا شکر ادا کر سکتا ہوں۔ خدا نے میری مشکلات کا بدلہ چکا دیا۔‘
انہوں نے نئے فنکاروں کو مشورہ دیتے ہوئے کہا، ’خواب دیکھنا بند مت کریں، امید کا دامن کبھی مت چھوڑیں۔‘
متھن نے اپنی بلاک بسٹر فلم ڈسکو ڈانسر کا ذکر کرتے ہوئے کہا، ’پہلے ہفتے میں فلم ناکام ہوئی تھی، لیکن جب لوگوں کو پتہ چلا کہ فلم میں کچھ خاص ہے، تو یہ ایک جنون بن گئی، حتیٰ کہ بین الاقوامی سطح پر بھی ایک دھماکہ خیز فلم ثابت ہوئی۔‘
یاد رہے کہ متھن چکرورتی 54 ویں فنکار ہیں جنہیں یہ اہم ایوارڈ دیا گیا ہے اس سے قبل یہ اعزاز 2021 میں اداکارہ وحیدہ رحمان کو دیا گیا تھا۔
