امریکی محکمہ خارجہ کے ترجمان نے میڈیا بریفنگ میں کراچی دہشت گردحملے سے متعلق جواب دیا:فوٹو:فائل
واشنگٹن: امریکا نے کراچی ائیرپورٹ کے نزدیک دہشت گرد حملے کی مذمت کی ہے۔
ترجمان امریکی محکمہ خارجہ میتھیو ملرنے میڈیا بریفنگ میں کہا کہ کراچی ائیرپورٹ کے قریب حملے میں جانوں کے ضیاع پر دکھ ہے۔ حملے کے متاثرین سے تعزیت کا اظہار کرتے ہیں اور دہشت گرد حملے کی مذمت کرتے ہیں۔
واضح رہے کہ 6 اکتوبر کی رات کراچی میں انٹرنیشنل ایئر پورٹ سگنل کے قریب دھماکا ہوا تھا جس کے نتیجے میں 2 چینی شہریوں سمیت 3 افراد ہلاک اور متعدد افراد زخمی ہوگئے تھے۔
