[ad_1]
ممبئی: بھارت کے مشہور صنعت کار رتن ٹاٹا 86 برس کی عمر میں انتقال کرگئے۔
رتن ٹاٹا ممبئی کے بریچ کینڈی اسپتال میں زیر علاج تھے جہاں وہ بدھ کو انتقال کرگئے۔ انہیں چند روز پہلے بلڈ پریشر میں کمی کی شکایت پر اسپتال لایا گیا تھا جہاں وہ انتہائی نگہداشت وارڈ میں تھے۔
تین روز پہلے بھی رتن ٹاٹا کے انتقال کی خبر منظر عام پر آئی تھی تاہم انکے سوشل میڈیا سے اسکی تردید کرتے ہوئے کہا گیا تھا کہ وہ بالکل فٹ اور صحت مند ہیں۔
رتن ٹاٹا کے انتقال پر بھارتی وزیر اعظم نریندر مودی سمیت سیاست، صنعت اور فلمی دنیا سے تعلق رکھنے والی شخصیات نے افسوس کا اظہار کیا ہے۔
رتن ٹاٹا نے مارچ 1991 سے دسمبر 2012 تک ٹاٹا گروپ کی قیادت کی اور ٹاٹا سنز کو نئی بلندیوں تک پہنچایا، مارچ 2024 تک ٹاٹا گروپ کی مالیت 365 ارب ڈالر سے زیادہ ہے۔
ٹاٹا گروپ کی ویب سائٹ کے مطابق 2023-24 میں ٹاٹا گروپ کی کمپنیوں نے مل کر 165 ارب ڈالر کی آمدنی حاصل کی۔ ٹاٹا گروپ کی 30 کمپنیوں میں مجموعی طور پر 10 لاکھ سے زیادہ افراد ملازمت کرتے ہیں۔
ٹاٹا گروپ کی مشہور کمپنیوں میں ٹاٹا اسٹیل، ٹاٹا کنسلٹنسی سروسز، ٹاٹا موٹرز، انڈین ہوٹلز، ایئر انڈیا، جیگوار لینڈ روور، ٹائٹن، انفینیٹی ریٹیل (کروما)، ٹرینٹ (ویسٹ سائیڈ، زوڈیو، زارا) شامل ہیں۔
[ad_2]
Source link
