[ad_1]
نوبل انعام حاصل کرنے والے تینوں ماہرین امریکی جامعات میں پڑھاتے ہیں
اقتصادیات کا نوبل انعام مشترکہ طور پر تین ماہرین معاشیات ترک نژاد امریکی ڈیرون آسیموگلو، برطانوی نژاد امریکی سائمن جانسن اور جیمز رابنسن کو اقوام کے درمیان دولت کی عدم مساوات پر تحقیق پر دیا گیا۔
عالمی خبر رساں ادارے کے مطابق جیوری نے اقتصادیات کے انعام کا اعلان کرتے ہوئے کہا کہ ان ماہرین نے اپنی تحقیق میں ممالک کے درمیان آمدنی کے فرق کو کم کرنےکے لیے سماجی اداروں کی اہمیت کو اجاگر کیا۔
ان ماہرین کے تشکیل کردہ ادارے مختلف سیاسی اور معاشی نظاموں کے جائزے کی بنیاد پر ممالک کے درمیان افراد میں آمدنی کے وسیع فرق کو کم کرنے میں کامیاب رہے ہیں۔
نوبل انعام حاصل کرنے والے 57 سالہ ڈیرون آسمیموگلو اور 61 سالہ جانسن میساچوسٹس انسٹی ٹیوٹ آف ٹیکنالوجی میں پروفیسر ہیں جب کہ 64 سالہ رابنسن شکاگو یونیورسٹی میں پروفیسر ہیں۔
نوبل کمیٹی برائے اقتصادیات کے سربراہ جیکب سوینسن نے ناموں کا اعلان کرتے ہوئے کہا کہ ممالک کے درمیان آمدنی میں وسیع فرق کو کم کرنا وقت کی سب سے اہم ضرورت ہے۔
ان افراد کو رواں برس 10 دسمبر کو اسٹاک ہوم اور اوسلو میں ہونے والی تقریبات میں شند اور انعام دیا جائے گا جو 1896 میں سائنس دان اور انعام کے خالق الفریڈ نوبل کی برسی کا دن ہے۔
[ad_2]
Source link
