کراچی: ہاکس بے کینپ پوائنٹ کے قریب سمندر میں ڈوب کر نوجوان جاں بحق ہوگیا۔
ریسکیو حکام کے مطابق متوفی کی شناخت 26 سالہ نادر خان کے نام سے کی گئی جو کہ پی ای سی ایچ ایس کا رہائشی تھا جبکہ بتایا جا رہا ہے کہ وہ اپنے دوستوں کے ہمراہ پکنیک منانے آیا تھا کہ سمندر میں نہاتے ہوئے ڈوب گیا تھا۔
ایس ایچ او ماڑی پور آصف کیانی نے بتایا کہ پولیس کو اس حوالے سے کوئی اطلاع نہیں دی گئی جبکہ میڈیا کے رابطہ کرنے پر جب معلومات کی گئی تو پتا چلا کہ ایدھی کے رضا کاروں نے لاش نکال کر منوڑہ میں قائم اسپتال پہنچائی جہاں سے ورثا لاش اپنے ہمراہ لے گئے۔
